Rout Rommel-Ravioli & ‘Tierteg’ rôtie

Plat
Plat 2

Recettes de Hans Poppelaars Manoir Kasselslay, Roder

Rout Rommel-Ravioli mat enger Muerten-Chutney Fëllung

 

2 rout Rommelen
4 Muerten
2 Schallotten
Salz, Peffer an Zocker
Wäisse Kräideresseg

 

 

Fir d’Marinade

4 Läffelen Olivenueleg
Jus vun enger Zitroun (+/-1dl)
Salz a wäisse Peffer

Präparatioun:

D’Geméis als 1. gutt wäschen.  Dono d’Rommelen a ganz kleng a reng Lammele schneiden an uschléissend 16 Rondelen ausstanzen. Dës mat der Vinaigrette marinéieren an iwwert d’Nuecht kalstellen.

Muerten – Chutney:

D’Muert an d’Schallotten am Olivenueleg, Salz, Peffer an engem Schotz Zocker ubroden. Nom Ubroden, mat dem wäissen Esseg ofläschen. Dës Massen déi entstanen ass, zu engem Püree mixen.
Uschléissend déi 2 Muert a kleng Cuben schneiden a mat enger klassescher Vinaigrette marinéieren. Dës genau wéi déi rout Rommelen iwwert d’Nuecht kal stellen.

Dressage vum Teller :
Fir d’rout Rommelsravioli als éischt een ënneschte Rondel op den Teller leeën, dono ee Läffelche vum Chutney op den ënneschte Rondel ginn. Dëse mat engem 2. Rondel iwwerdecken. Esou 4 Ravioli pro Teller uriichten a mat den ageluechte Muerten dekoréieren a jee no Geschmaach nach eng kleng Kräidervinaigrette driwwer ginn.

‘Tierteg’ rôtie au chou frisé

Fir de Plat :

Grénge Kabes
Gromperen
Zalot
Salz a wäisse Peffer

 

Fir de gngen Ueleg  (Zaloten Vinaigrette ) :
Gekachten Zaloteblieder

Sonneblummenueleg
Jus vun enger Zitroun  (+/-1dl)
Salz a wäisse Peffer

Präparatioun:

Huile verte : D’Zaloteblieder mixen an dono mam Ueleg, Salz a Peffer vermësche – a schonns ass de gréngen Ueleg – Zalotenueleg fäerdeg.

Gromperenpüree : D’Grompere gutt wäschen a schielen, dono ganz am gesalzte Waasser kache loossen. D’Gromperen ofschëdden an e puer Schnatz Botter dobäi ginn an zu engem Püree veraarbechten. Mat Salz a Peffer ofschmaachen.

Grénge Kabes : De grénge Kabes wäschen, a dënn Stecker schneiden an am gesalztem Waasser fir 20 Minutte kachen.  Dono ofschëdden an dreschne loossen.

De Kabes mam  vermëschen Püree a fir 1 Nuecht am Frigo rouen loossen. Den Dag drop ginn aus der Kabes-Püree Mass kleng Galettë geformt déi vu béide Säite kuerz ugebrode ginn, sou dat een ee knusperege Kichelchen hutt. Dëse kann da mat der grénger Vinaigrette an enger frëscher Bio-Zalot ugeriicht ginn.

BON APPÉTIT !