Léif Frënn vun der Abokëscht,

Passend zu de summerlechen Temperaturen, fann dir dës Woch Geméiszorten an ärer Abokëscht, déi dir alleguer zu enger gudder frëscher Zalot verschaffe kënnt.

Bei verschiddenen Zorte frot dir Iech awer bestëmmt em wéi ee Geméis et sech genau handelt.

Dir hutt enker neiséilännesche Spinat, Hirschhornwegerich a Sauerampel an ärer Këscht.

Mat dësen Zorte kenn dir är klassesch Zalot opfrëschen, a bëssen Ofwiesslung rabréngen. Den Neiseelännesche Spinat huet den typesche Spinat Goût, wärend den Hirschhornwegerich liicht batter an nosseg schmaacht an de Sauerampel éischter bësse sauer ass.

Dës dréi Zorte kenn dir réi op ärer Zalot genéissen oder als waarm Bäilag bei ärem Menü.

Vill Spaass beim schmaache vun dësen, dach méi onbekannte Geméiszorten.

Är Equipe aus dem Gaertchen

.